1 маусым - Халықаралық балаларды қорғау күні «А.И. Никифоров атындағы көркемөнер мектебі» КМҚК оқушылары мен педагогтары осы мерекеге арналған қалалық мерекелік іс-шараларға белсене қатысты. Мерекенің негізгі тақырыбы заң мен тәртіпке арналды.
Мерекелік бағдарлама аясында әкімдік ғимаратына қарама-қарсы мектеп оқушылары пленэрде жұмыс істеп, жарқын көркемөнер жұмыстарын жасап, қала тұрғындары мен қонақтарына өз шеберліктерін көрсетті. Жас суретшілер мерекенің атмосферасын, жазғы көңіл-күй мен балалардың қуанышын қағазда зор шабытпен жеткізіп отырды.
Сондай-ақ, Сити-орталықта мектептің шығармашылық алаңы ұйымдастырылып, педагогтар балаларға пескография бойынша шеберлік дәрістерін өткізді. Балалар қиял мен шығармашылық қабілеттерін көрсете отырып, ерекше құм салу техникасын қызығушылықпен меңгерген.
Кішкентай қонақтар арасында аквагрим аймағы ерекше танымал болды. Мектеп педагогтары балаларға күлкі, жағымды эмоциялар мен мерекелік көңіл-күй сыйлап, жарқын және түрлі бейнелер жасады.
Қалалық іс-шараға қатысу педагогтар мен мектеп оқушыларына өздерінің шығармашылық жетістіктерін көрсетуге, балаларға қуаныш сыйлауға және ең ізгі әрі жарқын мерекелердің бірін өткізуге өз үлестерін қосуға тамаша мүмкіндік берді.
