17 наурыз күні Қостанай облысы әкімдігі білім басқармасының Қостанай қаласы білім бөлімінің «А.И. Никифоров атындағы көркемсурет мектебі» КМҚК және Қостанай облысы әкімдігі білім басқармасының Қостанай қаласы білім бөлімінің «№ 1 балалар музыка мектебі» КМҚК бірлесіп, Наурыз мерекесіне арналған іс - шара өткізді.
Іс - шара № 1 балалар музыка мектебінде ұйымдастырылды, екі мекеменің оқушылары, педагогтері мен қонақтарын біріктірген жарқын мерекелік кездесу болды. Мереке аясында көркемсурет мектебі оқушыларының бейнелеу өнері жұмыстарының көрмесі ұйымдастырылып, жас суретшілердің шығармашылық жетістіктері ұсынылды. Сонымен қатар, қонақтарға ұлттық мәдениеттің байлығын танытатын музыкалық аспаптар, тақырыптық кітаптар мен журналдар ұсынылды.
Акт залында музыка мектебінің оқушылары мен оқытушыларының қатысуымен мерекелік концерт өтті. Бағдарламада көктемнің жаңаруын бейнелейтін және ұлттық нақышты жеткізетін вокалдық және аспаптық шығармалар орындалды.
Іс - шараға ата - аналар, көркемсурет мектебінің оқушылары және шақырылған қонақтар қатысып, көрме мен концерттік бағдарламаны қызығушылықпен тамашалады. Мереке достық атмосферада өтіп, білім беру ұйымдары арасындағы шығармашылық байланысты нығайтуға ықпал етті.