2025 жылғы 24 желтоқсан күні А.И. Никифоров атындағы көркемсурет мектебінде Қостанай облысы әкімдігі Мәдениет басқармасының Қостанай облыстық тарихи-өлкетану музей қор жиынтығындағы түрлі техникада орындалған кескіндеме және графика жұмыстарынан «Жанды портрет» көрмесі ашылды.
Көрменің басты мақсаты - портрет жанрын оның тарихи даму кезеңдерін, яғни оның бастаулары мен функцияларын, негізгі түрлерін және көрнекі құралдарын көрсету. Портреттің негізгі тақырыбы жеке тұлға болғандықтан, бұл жанр адам өмірінің негізгі мәселелерін: жеке тұлғаның қоғамдағы және әлемдегі орны, тарихтағы және қазіргі кездегі рөлі, сұлулық туралы түсініктері және олардың жаратушымен, ерлік және күнделікті өмірмен байланысын көрсетеді. Көрмеге И. Стадничук, В. Тимофеев, Э. Бабад, А. Богданов, Г. Соков. сияқты танымал қазақстандық, ресейлік және қостанайлық суретшілердің жұмыстары қойылды.
Портреттер сыртқы келбет пен мінездің бірегейлігін сақтап, әрбір адамның қайталанбас тұлға екенін көрсету үшін жасалған. Олар арқылы біз уақыт тынысын сезініп, бұрын өмір сүрген тұлғаларды анықтап, бізді көптеген жағдайлардың біріктіретінін түсіне аламыз.
